LENNON, Charlie

LENNON, Charlie Lennon - Kiltyclogher, Leitrim, An Spidéal Co. na Gaillimhe. Gabhann Síle, bean chéile Charlie, agus a gclann Seán, Donal, Éilís, mar aon le muintir uile Lennon, buíochas ó chroí le chuile dhuine a thug tacaíocht agus misneach dúinn nuair a bhásaigh Charlie go tobann cothrom an ama seo anuraidh. Gabhann muid buíochas lena ghaolta agus lena chairde a tháinig i bhfad ó bhaile chuig an tórramh agus Aifreann na sochraide. Ár mbuíochas freisin le scoth na gceoltóirí a chas go croíúil ag an searmanas. Go gcúití Dia a saothar leis na sagairt a léigh Aifreann na sochraide agus le Cór na Croise Naofa a chan iomainn as Aifreann Chaomhán, saothar a chum Charlie féin. Tá muid faoi chomaoin ag lucht leighis Ospidéal na Gaillimhe a chaith go lách cinéalta le Charlie ar uair a bháis. Do na stiúrthóirí sochraide a bhreathnaigh i ndiaidh na sochraide agus an dream a rinne an uaigh, ba mhór linn a gcinéaltas, treoir agus íogaireacht ar chuile bhealach. Dóibh siúd a chur teachtaireachtaí ar líne, litreacha agus cártaí aifrinn chugainn, ba mhór a chuaigh bhur dtacaíocht chun tairbhe dúinn agus muid faoi ualach bróin. Go bhfága Dia bhur sláinte agaibh. Ofrálfar Aifreann buíochais ar bhur son. Moladh go Deo le Dia.