NÍ CHATHÁIN, Aífe
This was published in the following publications on 07.11.2016:
Irish Times
NÍ CHATHÁIN, Aífe, go tobann sa bhaile, 4ú Samhain 2016. Iníon mhuirneach agus grá fíorgheal croí Thríona is Chonor, agus deirfiúr Choilm agus Eoghain. Méala mór gan solás a bás dá muintir uile agus dá cuid cairde uile in Éirinn, i Sasana, i Stáit Aontaithe Mheiriceá, agus sa Nua-Shéalainn. Beidh Aífe á tórramh sa bhaile ó 5-00 go 9-00 i.n. inniu, Dé Máirt. Léifear Aifreann na Marbh di ag 12 i.n. i Séipéal Ráth Mhaonais, amárach Dé Céadaoin, agus déanfar í a adhlacadh ina dhiaidh sin i Reilig na Páirce i gCill Tiarnáin. Gach fiosrúchán chuig Fanagans, Camaigh 01 4925959.Suaimhneas síoraí dá hanam
NÍ CHATHÁIN, Aífe Caitríona, 4ú Samhain 2017. Ar an gcéad chomóradh bliana d'Aífe dhil, ba mhaith le Tríona, Conor, Colm agus Eoghan ár mbuíochas ó chroí a chur in iúl dár muintir, dár gcairde agus dár gcomhoibrithe iontacha uile as an ngrá, as an gcineálteas agus as an tacaíocht a fuaireamar le bliain anuas. Leis na daoine a tháinig ó i bhfad agus ó i gcéin agus leo siúd a d'éirigh as a saol gnóthach chun bheith linn in am ár ngátair, glacaimid fíorbhuíochas. De chách a sheol litreacha, cártaí agus bláthanna a bhí chomh báúil sin, táimid fíorbhuíoch. Ós rud é nach féidir linn freagra pearsanta a thabhairt ar na céadta litir agus cárta Aifrinn a fuaireamar, iarraimid oraibh, le bhur dtoil, glacadh leis an bhfógra seo mar chomhartha buíochais agus dea-ghuí ó chroí. Ofrálfar Aifreann speisialta ar bhur son. Cuimhnímid go léir ar Aífe go grámhar inniu agus go deo choíche.Suaimhneas síoraí dá hanam uasal
Share memorial
End of content
No more pages to load