MISTÉIL

MISTÉIL (Agata) (Ní Chuinneagaín) (An Cheathrú Rua, Co. na Gaillimhe) - Is mian linne teaghlach Mhistéil, Antaine agus an clann, ár mbuíochas ó chroí a ghabháil le chuile dhuine a sheas linn le bliain anuas agus cumha orainn i ndiaidh Agata, a bhásaigh 5 Eanáir, 2006. Beannacht Dé lena h-anam. Is mór againn a bhfuaireamar de thacaíocht ónár gcomharsana caoine agus ónár gcairde pearsanta agus Agata ar leaba a báis, an dúthracht a chaith dochtúirí, altraí agus séiplíní an ospidéil leí; an charthanacht a bhí le feiceáil ar na dochtúirí agus ne haltraí a thug aire di ag baile; na hionadaithe poiblí agus gach a ndearna freastal ar an tórramh agus an tsochraide; an cineáltas a chaith an t-adhlacóir linn; an dúthracht a chaith na fir ghroíúla a réitigh a h-uaigh, lena gcuid oibre. Sólás mór dúinn é gach a ndearna ár sagart paróiste maraon le sagart chairde eile, linn le muid a mhisniú agus an dóchas a chothú ionainn fad agus a bhíomar ag dul tríd. Tá focal molta tuillte ag an nGarda Síochana freisin a thug chuile chúnamh dúinn. Ba mhaith linn i ndeire thiar buíochas ar leith a ghabháil le pobal na Ceathrún Rua agus na nOileán, leis an iomaí duine a scríobh chuigainn i rith na bliana agus a roinn ar gcumha linn. Léirigh sibh an cion a bhí agaibh ar Agata mar chógaslannaí agus mar dhuine. Go gcúití Dia sibh. [BO]